Nauwi sa suntukan ang mainit na laban ng dalawang koponan sa Inter-barangay basketball tournament sa Bulan, Sorsogon.
Sa ulat ng GMA Regional TV News nitong Sabado, sinabing nangyari ang insidente sa freedom park ng nasabing bayan.
Nagkapikunan umano habang naglalaro ang koponan ng Barangay Osmena at JP Laurel, na nauwi sa suntukan.
Pero bukod sa mga naglalaro, may ilang tagasuporta rin ng dalawang team ang sumali sa gulo at pumasok sa basketball court.
Kaagad namang rumesponde ang mga organizer at mga awtoridad para awatin ang gulo at nang hindi na lumama ang sitwasyon.
Nagkasundo naman ang magkabilang panig na huwag nang magsampa ng reklamo.
Sinisikap pang makuhanan ng reaksyon ang mga organiser sa nangyaring insidente, ayon sa ulat. —FRJ, GMA Integrated News
Read more, click here: GMA News
7 Easy Ways To Make Extra Money At Home
Learn Trading and know Two Platform that easy to Start With
