Patay matapos pagbabaril sa loob ng sementeryo sa Tuy, Batangas ang isang 48-anyos na lalaki.
Sa ulat ni Deniece Abante sa GMA Regional TV Balitang Southern Tagalog nitong Biyernes, kinilala ang biktima na si Victor William Pedrosa, residente sa nasabing bayan.
Ayon sa pulisya, kasama ng biktima ang live-in partner nito at nagtungo sa sementeryo para bisitahin ang puntod ng yumaong kaanak nitong Huwebes ng hapon.
“Nakamotor, magkasama at without apparent reason ay pingputukan na ng baril itong biktima. Undergoing pa ang autopsy, nasa seven pieces of empty shell ang na-recover sa pinangyarihan ng krimen,” ayon kay Police Major Eugenio Nepthali Solomon, hepe ng Tuy Police Station.
Nakaligtas naman ang kinakasama ng biktima, habang nakatakas ang mga salarin sakay ng motorsiklo.
Patuloy pa ang imbestigasyon sa posibleng motibo sa krimen, at pagkakakilanlan ng mga salarin.– FRJ, GMA Integrated News
Read more, click here: GMA News
7 Easy Ways To Make Extra Money At Home
Learn Trading and know Two Platform that easy to Start With
