26.4 C
Dapa
Wednesday, December 7, 2022

Featured Post

iNFOCUS: Senator Bong Go nanguna sa Groundbre…

- Advertisement -



iNFOCUS: Senator Bong Go nanguna sa Groundbreaking Ceremony sa Super Health Center sa Del Carmen!

- Advertisement -

Gipangunahan mismo ni Senator Bong Go an gihimo na Ground Breaking Ceremony sa Super Health Center nan Del Carmen, Siargao Islands lakip na sa Quarantine Facility niini. Kaiban an mga opisyales nan munisipyo na tagpanguyohan ni Mayor JR Coro, mga myembro nan Sangguniang Bayan, sanan mga kapitanes. Mi attender isab si Dir. Mari-flor Dollaga, an Regional Director nan DSWD-CARAGA sanan representante sa Department of Health, lakip ni Mayor Sol Matugas nan General Luna kaiban ni former Governor Lalo Matugas sanan mga mayores nan Siargao Islands.

An Super Health Center isa ka daku na proyekto na pagatukoron sa Del Carmen na nagkantidad 30 milyones ka pesos samtang laing proyekto isab an itukod amo na an Quarantine Facility nagkantidad isab nan 20 milyones ka pesos na gikan sa nasyonal an pondo.

- Advertisement -

An amo na mga kalamboan resulta sa hugot na pagpaningkamot sa liderato ni Mayor JR Coro ilabina ni Engr. Baby Coro, an municipal administrator na amoy nangamot mismo sa pagfollow-up sanan paghangyo ngadto na sa kaulohan pinaagi isab sa buhatan ni Congressman Bingo Matugas, para maka-angkon an mga Del Carmenon nan mas daku na pasilidad sanan mas halapad na serbisyong medikal para dili na mahasol pa pag byahe pasingod sa mainland.

Samtang sa laing bahin, nan release isab nan cash assistance gikan sa DSWD na kantidad 3,000.00 ka pesos ngadto sa mukabat 909 ka mga benipisyaryo isip pinansyal na suporta ngadto sa mga nahimong biktima sa kalamidad. Laing pagpanhatag isab nan mga foodpacks sa tanan lakip na ang pagpahigayon nan pa raffle nan mga cellphones, bisekleta, sapatos, relo sanan mga bola.

Ini na karajawan sanan daku na kalamboan an tagkalipay gajud sa mga lokal na mga lumolupyo iban sa pasalig ni Senator Bong Go na maka-angkon nan libreng serbisyong medikal an mga taga isla nan Siargao ilabina an mga Del Carmenon.

Salamat gajud karajaw Senator Bong Go!
Salamat karajaw Department of Health !
Salamat karajaw DSWD!

Kalipay nan tanan Del Carmenon an ijo wayay hunong na tabang sanan pagbalik-balik sa amo lungsod 💚

#BangonDelCarmen
#BangonSiargao




Municipality of Del Carmen, Surigao Del Norte, Philippines

- Advertisement -

Weather Forecast

General Luna
broken clouds
25.8 ° C
25.8 °
25.8 °
80 %
3.8kmh
61 %
Wed
26 °
Thu
30 °
Fri
29 °
Sat
25 °
Sun
25 °

Latest Posts

Don't Miss